LA UNION – Naideklara a dead on arrival iti Ilocos Training Regional and Medical Center ti maysa a mister kalpasan a napaltogan idiay Barangay Poblacion, Santol, La Union idi rabii.
Nabigbig ti biktima a ni Greg Ordoño, 34, addaan asawa.
Maibasar iti police report, adda iti peryaan ti biktima idi mapasamak ti pammaltog babaen ti saan pay a nabigbig a gunman.
Agtultuloy met ita ti imbestigasyon dagiti otoridad tapno maamuan ti motibo ken pakabigbigan ti suspek.
