Dead on the spot ti maysa a lalaki kalpasan a nagsagaba ti adu a tama ti bagi na manipud iti saan pay nga ammo a kita ti igam.
Nabigbig iti pimmusay a ni biktima a ni Jose Valdez, Jr, 38 ayos, residente ti Barangay Paagan, Santol, La Union.
Immuna ti daytoy, nagresponde dagiti kameng ti Santol Police iti maysa a self vehicular accident iti nasao a lugar.
Ngem idi a dimteng dagiti otoridad nakitada ti bagi ti biktima nga adda tama ti bala ti paltog.
Iti panagturong ti Scene of the Crime Operatives (SOCO) nakakita dagitoy iti tallo a basyo ken maysa nga slug iti saan pay nga ammo a kalibre ti paltog.
Naamuan nga agawiden idi ti biktima a nakalugan iti kurong-kurong daytoy idi a maipagarop nga tinambangan ken pinaltogan iti saan pay nga ammo a suspek.
Nakumpiskar dagiti otoridad ti bag ti biktima a nakaikabilan ti kuarta daytoy a P1,286.00.
Naiturong metten iti maysa a punerarya ti bagi ti biktima.
Agtultuloy iti panangammo dagiti otoridad iti motibo ken mastermind iti krimen.
