LA UNION – Dead on arrival idiay ospital ti maysa a lalaki kalpasan a madalpus daytoy iti van idiay kawatiwatan ti National Highway ti Barangay Subusob, ili ti Rosario, La Union.
Nabibig ti biktima a ni Kevin Lee Estolas, residente ti Barangay Saitan, ili ti Pugo, La Union.
Naammuan ti Bombo Radyo manipud ti Rosario Police Station, maipagarup a madama iti panagballasiw ti biktima iti kalsada idi a nadungpar daytoy ti van a manmanehuen ni Roel Mercado a taga-Asingan, Pangasinan.
Natay met laeng ti biktima gapu iti nakaro a sugat a nilak-am daytoy iti bagi kalpasan ti aksidente.
Isagsagana metten ti pulisya ti panangidatag ti kaso kontra iti nagmaneho ti van.
