LA UNION – Natay ti maysa nga lalaki kalpasan daytoy a makuryente iti maipatpatakder a balay idiay Barangay Sta. Lucia, Aringay, La Union.
Nabigbig ti pimmusay a biktima a ni Rene Nonog, 20, addaan asawa, construction worker, residente ti Barangay San Benito Norte ti nasao nga ili.
Maibasar iti nakalap nga report ti Bombo Radyo manipud iti Aringay Police Station, nakaiggem ti biktima iti steel deck ti maar-aramid a balay nga kukua ni Antonio Casem idi maipagarop a naigalis ket aksidente a matinnag iti main line ti kuryente a dagus na nga ipupusay.
Maipagarop a naisina pay ti ulo ti biktima ken nabati pay ti masya a saka daytoy iti linya ti kuryente.
Agtultuloy met ti ar-aramiden nga imbestigasyon dagiti otoridad maipapan iti nasao nga pasamak.
