Kinarit ni dati a Senador Leila De Lima ni sigud a presidential spokesperson Harry Roque nga agsurrender kadagiti otoridad iti baet ti bilin ti Kamara nga arrest order kontra kenkuana.
Ti indagadag ni De Lima ket dimteng kalpasan a nangipila ti Mamamayang Liberal party-list iti Certificate of Nomination and Acceptance (CONA) no sadino ket isuna iti first nominee.
Inyunay-unay ni de Lima nga isuna ket sumangsango iti linteg uray aramid laeng dagiti kaso kontra kenkuana ken intuloy na linasatna ti intero a proseso uray no nasakit.
No awan basol ni Roque ken aglemlemmeng, kinunana a rumbeng a sanguen na ti alegasion iti House quad comm.
Maipalagip a binagaan ni Roque ni de Lima a mabalin daitoy nga agtalinaed iti pagbaludan iti tungpal biag.
Nupay kasta, ita a gundaway ket napaulogan iti contempt babaen ti House quad committee ni Roque ken nabilin a maibalud ti Kamara iti maika-dua a daras.
Nagramut iti maika-dua a contempt order kenni Roque gapo iti panagtultuloy na a panaglabsing iti subpoena iti Kamara.
Ditoy ket nabilin isuna a mangipresentar kadagiti Statement of Assets and Liability and Net worth na manipud tawen 2016 agingga 2022; iti income tax returns ti asawa na a ni Maila manipud 2014-2022; dagiti medical certificates da, extrajudicial settlement ti estate pakairamanan ti tax returns iti pimmusay a tiyahin na, deed of sale nga addaan iti tax returns; ken ti panangiyakar a ti sanikua a 1.8-hectare property idiay Multinational Village, Parañaque nga inlako iti pamilya na.
