Linagip ni sigud a Senador Leila de Lima ti tallo a tawen nan a pannaka-wayawaya manipud idi nakaruar daytoy idi Nobiembre tawen 2023, a sadiay nga inbinglayna nga agingga ita ket kasla tagtagainep pay laeng ti pannakaagun-odna ti nawaya a biag.
Iti emosional a pananglagipna, nangipaay daytoy ti panagyaman iti diyos ken kadagiti amin a kakadua a nangsuporta ken nagtultuloy a nagtalek iti pannakidangadangna iti tengnga dagiti nakaro a pannubok.
Malagip a nagsagaba ni De Lima iti dandani pito a tawen a pannakaibalud mainaig kadagiti kontrobersial a kaso a sinangona iti administrasion ni sigud a Presidente Rodrigo Duterte.
Nupay kasta, kalpasan a naibasura dagiti pammabasol ket napalubusan daytoy nagpiyansa, ken nagun-od ti nabayagen a tarigagayanna nga hustisia.
Iti pananglagipna iti napalabas, impaganetgetna a ti wayawayana ket saan laeng a personal a balligi, no di ket agserbi daytoy a panawagan iti pagimbagan pay iti sabali.
Impaganetget ni De Lima a saan nga agsardeng ti takderna agingga a magun-od met ti dadduma a naibalud panggep iti politika ti tarigagayda a pannakawayawaya.
