Itantandudo ni Leyte 1st district Representative Ferdinand Martin Romualdez iti singasing nga House bill no.7 wenno iti bank secrecy law.
Segun kenni Romualdez, iti Pilipinas ket saan a rumbeng nga agbalin a “safe haven” wenno pagkamangan para iti “dirty money” manipud kadagiti ilegal nga aktibidad.
Panggep ti nasao a singasing a mapapigsa dagiti regulators tapno malabanan iti panagkunniber, pananglimlimo, ken dadduma pay a krimen mainaig iti kwarta, a mangpakpakapsot iti panagtalek ti publiko.
Innayon na pay, outdated dagiti probisyon ti agdama a linteg isu ta ab-abusoen dagiti karaman iti money laundering, tax evasion, ken korapsyon.
Marigrigatan met dagiti regulators ken dagiti imbestigador nga ibutaktak dagiti dakes nga aramid, isu ta kasapulanen ti panagbalbaliw.
Iti kanito nga agbalin a naan-anay a linteg ket maamyendaran iti Republic Act 1405 tapno mapalubusan iti Bangko Sentral ng Pilipinas wenno BSP a mangammiris kadagiti bank deposits, pakairamanan dagiti foreign currency bank accounts tapno maamwan no adda ti mapagduduaan wenno ilegal nga aktibidad.
Malaksid iti daytoy ket nadagdagsen met a pannusa iti isingsingasing ti House Bill kontra kadagiti aglabsing, kas iti panakakulong ti dua agingana 10 nga aldaw, ken multa a P50,000 agingana P2 million.#
