LA UNION – Mangipaay ti Libreng Sakay iti provincial gov’t ti La Union, para kadagiti umili a mapan agbuya iti koronasyon ti Mutia ti La Union 2018, a maisayangkat idiay Poro Point Baywalk, inton Marso 2, 2018.
Maibasar iti impormasyon ti Bombo Radyo La Union, dagiti behikulo nga agserbi para iti Libreng Sakay ket agparada iti Mabanag Hall iti sentro ti syudad.
Mangrugi ti Libreng Sakay iti oras ti ala 1:00 ti malem agingga alas 12:00 ti tengngat rabii inton Marso dos.
Kalpasan iti coronation ti Miss La Union, maisayangkat pay ti maysa a concierto a paset pay laeng iti selebrasyon ti maika-168 a founding anniversary ti La Union.
Immunan a naipadamag, a ti Marso 2, ket deklarado a non-working holiday, maiyannurot iti Proclamation No. 422 a pinirmaan ni Acting Executive Secretary Salvador Medialdea, idi Pebrero 12, agdama a tawen.
