Nakatuding nga iyusuat ti Deparment of Health iti Ligtas Tigdas Campaign inton Enero 19.
Target ti kampania a mabakunaan ti nasurok-kumurang 11 million nga ubbing iti intero a pagilian, pakairamanan dagiti 5.6 million ditoy Luzon, 1.9 million idiay Visayas, ken 2.8 million idiay Mindanao.
Ti nasao nga inisiatiba ket kasaruno iti agtultuloy a panagngato ti kaso ti tigdas ken tigdas-hangin iti pagilian a nangrugi kadagiti rehion idiay Mindanao.
Karaman kadagiti addaan ti nangato nga incidence rate iti Zamboanga Peninsula, Northern Mindanao, SOCCSKSARGEN, ken Bangsamoro Autonomous Region in Muslim Mindanao (BARMM).
Mangisayangkat iti ahensia, kadua dagiti lokal a gobierbo ti nalawa a panagbakuna kontra tigdas ken tigdas-hangin idiay Mindanao ken BARMM.
Iti kaudian a datos ti DOH, dimmanon ti 5,124 iti pakabuklan a kaso ti tigdas ken rubella iti intero a pagilian idi Disiembre 27, 2025. Nanangatngato daytoy ti 32 a porsiento maiyarig iti 3,880 a kaso iti kapada a panawen idi 2024.
Manipud iti nasao a bilang, 2,567 kadagitoy ket ubbing nga agtawen ti innem a bulan agginggana ti saan a bumaba ti 5-anyos.
Maallukoy met dagiti nagannak nga iturong dagiti annakda iti kaasekgan nga health center para iti libre a bakuna.###
