LA UNION – Dead on arrival idiay ospital ti maysa a lolo kalpasan a naidungpar ti naglugananna a traysikel iti kasinnabatna a van idiay Barangay Cabua-an, ili ti Balaoan, La Union.
Nabigbig ti natay a ni Eleizar Obar, 65, residente ti Barangay Calungbuyan ti nasao nga ili.
Nasugatan met iti napasamak nga aksidente ni Jeric Viloria, 21.
Naammuan ti Bombo Radyo manipud ti Balaoan Police Station, kabayatan nga agmanmaneho ti traysikel ni Viloria ket maipagarup a naidungpar daytoy iti kasinnabatna a van a manmanehuen ni Rhian Necida a taga-Calasiao, Pangasinan.
Natay ni Obar gapu ti nakaro a dunor a nalak-amna manipud ti aksidente, kabayatan a maag-agasan pay laeng ti ospital ni Viloria.
Agtultuloy iti imbestigasyon ti pulisya tapno maammuan ti responsable iti napasamak nga aksidente.
