LA UNION – Nakabaluden ti lolo a sumangsango iti kaso a panaglabsing ti “Special Protection of Children Against Abuse, Exploitation and Discrimination Act” wenno Republic Act 7610 kalpasan a matiliw daytoy idiay Barangay Balaoc, ili ti Sto. Tomas, La Union.
Nabigbig ti 83-anyos nga akusado a ni Dominador Geneta, residente ti nasao a lugar.
Naammuan ti Bombo Radyo manipud iti Sto. Tomas Police Station, babaen ti bileg iti warrant of arrest nga impaulog ni Agoo, La Union Regional Trial Court Branch 31 Judge Romeo Atillo a napetsaan iti Dec. 04 ti agdama a tawen ket naarestar ti nasao a lakay.
Umabot met iti P200,000 ti intuding a piyansa ti pangukuman para iti temporaryo a pannakaruk-at ti akusado manipud iti pagbaludan. (Absalom Flores)
