BR LA UNION – Naan-anayen a nabukel a bagyo ti banbantayan a low pressure area iti ruar ti Philippine area of responsibility.
Segun iti PAGASA, saan a sumrek iti teritoryo ti Pilipinas ti nasao a bagyo.
Nupay kasta, karaman ti dadduma pay a weather disturbances iti ruar ti PAR, guyuden da iti hanging habagat a mangpatudo iti laud a paset ti pagilian.
Namnamaen ti mawaras-waras a panagtudo gapwanan ti habagat iti Luzon ken western Visayas bayat a naannayas ti panawen iti dadduma a paset ti pagilian.
