BR LA UNION – Naan-anayen a nabukel a bagyo iti low pressure area (LPA) iti uneg ti Philippine area of responsibility (PAR).
Naudi a nasaripatpatan ti bagyo iti kaadayu a 780 km daya ti Virac, Catanduanes.
Kabuyog ti kapigsa ti angin nga umabot iti 45 kph ken kapegges nga umabot iti 50 kph.
Dup-dupagen ti bagyo iti direksiyon a palaud wenno umas-asideg iti kadagaan ti Pilipinas iti kapartak a 35 kph.
Daytoy ti maikatlo a tropical depression wenno weather disturbance ditoy pagilian ita a tawen 2025.
Namnamaen iti dua agingga tallo a bagyo para ita a bulan ti Hulyo.
