Naan-anayen a nabukel kas maysa a Tropical Depression ken maawagan kas Bagyong Dante iti Low Pressure Area (LPA) wenno LPA 07g nga adda iti makindaya a paset ti Aurora, agarop alas-dos itay malem.
Manamnama iti panagtudo kadagiti sumagmamano a paset ti Luzon ken Visayas kangrunaan no mapapigsa daytoy iti agraraira a Habagat.
Banbantayan dagiti eksperto iti posible a panangngato ti danom kadagiti karayan, panaglayos kadagiti nababa a lugar, ken landslide kadagiti mountainous areas.
Awan pay iti nairuar a signal warning ngem namnamaen a mairuar daitoy kadagiti sumarsaruno a bulletin ti state weather bureau.
Mabalbalakadan dagiti residente nga agbalin nga alerto ken saan a tagiawanen dagiti ballaag wenno pangta ti panawen.
Iti LPA 7h nga adda iti uneg ti PAR ken LPA 07i nga adda iti ruar ti pagilian ket agpada a “Medium” potential a mabukel kas maysa a tropical depression wenno bagyo iti sumaruno a 24 nga oras.
Kabayatanna, posible nga aggigiddan a mangipaay ti dakes a panawen dagiti nasao a weather systems ditoy pagilian.#
