BR LA UNION – Posible a sumrek iti Philippine area of responsibility (PAR) inton bigat, Hunyo 6, iti low pressure area (LPA) a nasaripatpatan iti daya a paset ti northeastern Mindanao wenno Caraga region itay alas-3:00 ti malem.
Segun iti state weather bureau, mangigubway ti mawaras-waras a panagtudo iti trough wenno extension ti LPA idiay parte ti Eastern Visayas ken Caraga regions.
Impadamag ni state weather specialist John Manalo nga adda tiyansa a mabukel iti nasao nga LPA kas bagyo.
Nu mabukel daytoy ket agbalin a kaunaan a bagyo ditoy pagilian ita a tawen 2025 ken maawagan iti local name nga “Auring”.
Ngem nababa kunana iti tiyansa a mabukel daytoy kas tropical cyclone iti sumaruno a 24 nga oras ken mabalin a ma-develop inton weekend wenno sumaruno a lawas.
Nababa pay iti tiyansa a pumigsa daytoy kas tropical depression.
Segun kenni Manalo, namnamaen iti maysa wenno dua a bagyo a sumrek iti pagilian ita a bulan ti Hunyo.
