LA UNION – Kas solusyon iti atiddag a pila para ti panangala ti permanent driver’s license, nangaramiden iti schedule ti Land Transportation Office (LTO)-1.
Kinuna ni Johny Pacis iti Licensing Division ti LTO, daytoy iti nakitada a sulosyon tapno maliklikan nga agpila dagiti kliyenteda iti parbangon idiay opisinada.
Sigun kenni Pacis, manipud iti sigud a 20 a kliyente ken 75 a kliyente itan ti maakumudar ti opisina manipud iti aldaw ti Lunes agingga Byernes.
Silulukat met iti LTO ti aldaw iti Sabado tapno iakumudar dagiti 155 a kliyente.
Kabayatna, kinuna ti opisyal nga agturong laeng idiay opisinada tapno agpa-eskedule tapno saan a mataktak dagiti mangala ti driver’s license.
