LA UNION – Naminsan manen a dinupudop dagiti tattao iti naiganwat a Fluvial Parade wenno Station of the Cross iti kabaybayan idiay Bauang, La Union.
Iti pannakiuman ti Bombo Radyo kenni Bauang Mayor Eulogio Clarence Martin de Guzman III, kinuna na a narugyan ti prusisyon babaen iti panagkararag ken dinar-ayan daytoy iri nasurok ribu a tattao.
Tunggal Holy Monday agingga Good Friday nga aglayag ti Station of the Cross.
Segun pay kenni Mayor De Guzman, maika-22 itan a tawen a maar-aramid iti Fluvial Parade, a kas paset iti Rambak Festival.
Kabayatan na, dumanon met iti 5,000 agingga 10,000 iti namnamaen a tourist arrival iti panangrambak ti nasao a festival.
Mangrugi ti Fluvial Parade wenno Station of the Cross iti alas 7 ti rabii, ket ditoy a makita iti ranyag manipud kadagiti bangka nga isu ti mangal-allukoy iti adu nga agbuya.
