Iti kangitingitan ti panagraut ti Israel kadagiti militante iti Hezbollah idiay Lebanon, naipadamag a natarget wenno napapatay da iti kasinsin ken posible a sumukat ken ti immunan a na-assasinate da a ni Hezbollah leader Hassan Nasrallah.
Ni Hashem Safieddine ket natay iti insayangkat nga air strikes ti Israel idiay Beirut idi napalabas a rabii ti Huwebes.
Nupay kasta, awan pay met iti opisyal a kumpirmasyon ti kampo ti Hezbollah mainaig iti daitoy a pannakapapatay ti baro a lider da.
Immunan a nakalasat ni Hashem iti panagraut idi ti Israel idiay Beirut a nakatayan ni Nasrallah.
Ti nadakamat a successor ni Nasrallah ket iti mangidadaulo ti political affairs ti Hezbollah ken maysa kadagiti senior leaders iti grupo.
Addaan pay daitoy iti posisyon iti Jihad Council a mangimatmaton met kadagiti military operations ti Hezbollah.
Ni Hashem ket indeklara pay a terorista ti Amerika idi tawen 2017.
