BR LA UNION – Pinaglibakan ti Malacañang iti akusasyon ni Senador Imee Marcos nga adda kinnutsabo a napasamak iti administrasyon, iti inaramid nga addang iti panangaresto kenni sigud a President Rodrigo Duterte.
Segun kenni Palace Press Officer Claire Castro, awan kinapudno na dagiti imbaga ti senadora.
Inwaragawag pay ni Castro a saandan a naklaat iti imbaga ni Senator Imee, agsipudta sakay pay a nangrugi ti panagdengngeg ket nalawagen nu anya ti posisyon na iti isyu.
Maipalagip nga inwaragawag ni Senador Marcos a mangiruar daytoy ti final result iti imbestigasyon seknan iti kunana a planado nga addang tapno rippoogen dagiti Duterte.
Segun kenkuana, adda iregularidad iti pannakaaresto ni sigud a president Duterte a saan a maiyannurot iti linteg ti Pilipinas.
