Agtultuloy ti panagsagana ti Manila Police District (MPD) tapno masigurado ti kinatalged ti publiko ken deboto kabayatan ti masungad a Feast of the Black Nazarene procession inton Enero 9.
Segun ken ni MPD spokesperson Police Major Philipp Ines, inangay da iti inter-agency meetings ken conferences idi pay Agosto.
Adda metten ti walkthrough tapno makita dagiti dalan a masakopan ti prosesion.
Ti traslacion ket manamnama a pakisalipan ti minilion a deboto.
Immunan a naipadamag iti direktor ti NCRPO a ni Brigadier General Anthony Aberin, 14,475 a polis ti maideploy tapno masigurado ti naannayas ken natalged a selebrasion.
Segun kenni Aberin, karaman iti security contingent ti 12,168 police officers ken 2,306 personnel manipud kadagiti partner agencies da.
Impaganetget ni Aberin nga agtalinaed a natibker dagiti polis iti misionda a mangipasigurado iti kinatalged dagiti deboto ti Nazareno.
