LA UNION – Kritikal iti kondisyon iti maysa a mannalon gaputi sinagrap daytoy a nakaru a dunor iti ulo kalpasan a tinagbat iti pada na met laeng a mannalon bayat ti panag-iinom dagitoy idiay Brgy. Sta Cecila, Aringay La Union.
Iti biktima ket managan Johnrey Ison y Ruiz, 35, addaan ti asawa, bayat a ti suspek ket nabigbig met iti nagan a Marvin Balanag, 32, agpada a mannalon ken residente iti nadakamat a lugar.
Maibasar iti report iti pulisiya, dagiti dua agraman iti dadduma pay a gagayyem da, ket nag-iinom idi timpuar ti nabara nga argumento iti baetan dagitoy.
Kellaat a nangala ti buneng iti suspek, nga isu metten ti intagbat na iti ulo ti biktima.
Naiturong ni Ison idiay Caba Medical Hospital ngem naiyakar iti ITRMC ditoy syudad para iti naan-anay a pannakataming daytoy.
Kabayatanna, maipagarop a naglibas iti suspek kalpasan ti insidente.
