LA UNION – Madama ita a dukduktalen iti pulisya ken ti pamilya iti maysa a mannalon iti pudno a nakatayan daytoy idiay Barangay San Manuel, ili ti Agoo, La Union.
Nabigbig ti natay a ni Rumolo Buado, 67, residente ti Barangay San Miguel ti nasao nga ili.
Base iti inisyal nga impormasyon a nakalap ti Bombo Radyo manipud ti Agoo Police Station, maipagarup a nasarakan iti kabagyanna ti nasao a bangay a nakadasay iti kabakiran idiay Barangay San Miguel.
Awan met ti naduktalan nga adda ti napasamak a foul play maipapan ti pannakatay ti ni Buado.
Immuna iti daytoy, naudi a nakita a sibibiag ti lakay idi Abril 13 a napan nagpastor iti nuangna ngem saanen a nakaawid payu daytoy iti uneg ti dua nga aldaw agingga a naduktalan a natayen daytoy.
