LA UNION – Naidatagen idiay piskalya ti kaso a reckless imprudence resulting in homicide ti bus driver a nakadangpar iti maysa a mannalon idiay kawatiwatan ti Naguilian-Baguio Road idiay Barangay Sili, ili ti Naguilian, La Union.
Naammuan ti Bombo Radyo manipud ti Naguilian Police Station, agtaltalinaed pay laeng iti estasyonda ti respondent driver a ni Alvaro Mendoza, residente ti Barangay Agpay, Burgos, La Union kabayatan a maur-uray iti kaso daytoy idiay piskalya.
Immuna iti daytoy, saan a naliklikan ni Mendoza a madalapud ti biktima a ni Eliw Mangaoile ti Barangay Wallayan, Bagulin, La Union a nakabaklay iti sangasako a mais kabayatan a bumalballasiw daytoy iti kalsada.
Dead on arrival idiay ospital ti biktima gapu kadagiti sugat a nilak-amna iti naduma-duma a paset ti bagina.
