LA UNION – Agtultuloy a maag-agasan iti Ilocos Training and Regional Medical Center (ITRMC) ditoy syudad ti San Fernando, La Union iti maysa a mannalon kalpasan a binagsol ti barangay tanod ken pinakpak met ti bato iti ulo ti kabsat daytoy.
Napasamak ti insidente idi rabii idiay Barangay Puguil, Santol, La Union.
Iti biktima ket nabigbig iti nagan nga Ernesto Peril, 62-anyos.
Bayat a dagiti suspek ket agkabsat, isuda Leonardo Dacumos, 33, barangay tanod ken Lim Dacumos, 31-anyos.
Base iti report, nagriri iti agkabsat a Dacumos idi maipagarop a ginandat iti biktima nga anawa-ewn dagitoy.
Ngem narurod laeng dagiti suspek, a rason metten iti panangbagsol ti tanod iti tiyan ken pinakpak ti kabsat na iti bato ti ulo iti biktima.
Dagus met a naiturong iti ospital ni Peril tapno maipaayan ti maitutop a pannakataming.
Kabayatanna, inaresto dagiti otoridad iti agkabsat a suspek ken maisag-sagana metten ti kaso a maidatag kontra kadagitoy.
