Kinumpirma ni Marikina Representative Marcy Teodoro iti reentry dagiti nakompleton a flood control projects iti siyudad ken road repair wenno rehabilitasyon kadagiti naurnos a dalan a nakailanad iti 2026 National Expenditure Programs nga insubmitir ti Department of Budget and Management iti House of Representatives. Kasuruno ti panangibutaktak ni Deputy Speaker ken Antipolo City Representative Ronaldo Puno.
Binagaan na ni DPWH Secretary Manuel Bonoan nga idi paylaeng 2023 ket addaan ti naaramid nga slope protection iti Balanti Creek idiay Barangay Sto. Niño ngem nakita manen daytoy iti sidong ti flood mitigation program – banag a nakaklaatan ti sekretaryo nga iti kayat na a satwen ken saan na ammo nga adda gayam ti mapaspasamak a reentry dagiti proyekto a nalpasen.
Pagpalpalawagen ti Sekretaryo iti Regional Director ti ahensia idiay NCR gapo ta ipatungpal ti Central Office ken ti National Capital Region dagiti line items – nga iti rumbeng ket addaan ti konsultasyon kadagiti lokal a gobierno para kadagiti proyekto.
