Agsubli ditoy Pilipinas ti American pop-rock band a Maroon 5 para iti maysa a konsierto inton Pebrero 7, 2027 iti Mall of Asia Arena idiay Pasay City, segun iti inwaragawag dagiti concert organizers.
Mangrugi iti ₱4,000 iti presyo dagiti ticket, bayat a dumanon met ti ₱16,750 iti kanginaan para iti mapaspasungadan a panagperform ti banda.
Manamnama a dumar-ay met dagiti rinibo a Filipino fans kas paset iti panagsubli da iti pagilian.
Naudi a nagperform iti grupo ditoy pagilian idi 2025 kas paset ti Asian Tour.
Nabukel iti banda idi 1994 ken nabigbig kadagiti hit song a “She Will Be Loved,” “This Love,” “Payphone,” ken dadduma pay, a nangipaay kadakuada ti sangalubongan a kinalatak.###
