LA UNION – Pinagyamanan ni Mary Jane Veloso ni President Ferdinand Marcos Jr. ken Indonesian Prabowo Subianto ken amin a timmulong para iti panagsubli na ditoy Pilipinas kalpasan ti 14 a tawen a pannakaibalud idiay Indonesia.
Simmangpet ni Veloso idiay Soekarno-Hatta International Airport idi rabii (Miyerkoles).
Kinuna na a kayat na ti maki-misa apaman a makasangpet ditoy Pilipinas.
Kadwa na a naglugan iti eroplano ti sumagmamano nga opisyal ti Department of Foreign Affairs (DFA) nga idaulwan ni Undersecretary Eduardo de Vega.
Apaman a sumangpet ditoy Pilipinas ita nga agsapa ti Miyerkules ket agdiretso a dagus iti Correctional Institution for Women idiay siyudad ti Mandaluyong para iti lima nga aldaw a quarantine.
Maipalagip a simmango ti dusa a patay iti 39-anyos itan a ni Veloso kalpasan a nakumpiskaran ti 2.6 kilos ti heroin idiay Indonesia idi 2010.
Tawen 2015 idi temporaryo a kinanselar ni Indonesian President Joko Widodo iti naituding a pannakabitay na.
Idi napan a bulan ti Nobyembre, naaddaan ti katulagan iti baetan ti Pilipinas ken Jakarta tapno iyakar ditoy pagilian ni Veloso.
