Intudingen ni Senadora Risa Hontiveros nga inton Nobyembre 26 ti maudi a panagdengngeg ti Senado mainaig ti syu dagiti illegal a Philippine Offshore Gaming Operators wenno POGO ditoy pagilian.
Kinuna ni Hontiveros, chairman ng Senate Committee on Women, a daitoyen ti kaudian a hearing mainaig ti POGO ken imbitado latta i sigud a Bamban Mayor Alice Guo ken ti dadduma pay nga personalidad a dimmar-ay kadagiti napalabas a imbestigasyon.
Kinuna ti senadora, adda ti baro nga impormasyon a nagun-od ti imbestigasyon da particular ti kaadda dagiti espiya ti china ditoy bansa.
Nupay kinunana nga adda ti Executive Order a mangiparparit iti POGO, adda latta ti saan a nalawag nga EO nga inruar ti Malakayang.
Inton sumaruno nga imbestigasyon ket ilatag na ti reporma ti linteg a palpasenen ti POGO ken dadduma pay a scam a mangbikbiktima ti Pilipino.
Maibasar metlaeng ti impormasyon ni Hontiveros, adda dagiti opisyales ti gobyerno a mangipalpalubos ti POGO nga agparang kas lehitimo a Negosyo kas iti Business Process Outsourcing.
Maysa pay kadagiti agbalin a topiko ti maudi nga imbestigasyon inton sumaruno a lawas ket iti guerilla operations ti POGO ken dagiti big fish a kas kenni Alice Guo a mangipatpataray ti scam hubs ditoy Pilipinas.
Gapo iti panagpaserra kadagiti dadakkel nga operasyon ti POGO ditoy pagilian nu sadino nga adu a Pilipino ti napukawan ti trabaho, mamati ni Hontiveros a nangato latta iti posibilidad a makabiruk dagitoy ti panggedan.
Ti kinaagpaysuanan na kunana, iti job fair ti Department of Labor and Employment, adu kadagiti dimmar-ay a kumpanya tapno mang-hire ti Pilipino ket ammo a naggapo da amin iti POGO.
