BR LA UNION – Rugyan ti House Committee on Justice ti panagdengngeg iti uppat a verified impeachment complaints kontra kenni Vice President Sara Duterte ita nga aldaw ti lunes, Marso 2, 2026.
Segun kenni Batangas Rep. Gerville “Jinky Bitrics” Luistro, chairperson ti komite, ti panagdengngeg ket maisayangkat manipud Marso 2 agingga 4, tapno amirisen nu addaan ti naan-anay a form and substance iti reklamo.
Impaganetget ni Luistro nga usaren ti komite ti kapada a proseso ken allagaden a nausar iti immuna a reklamo kontra kenni Presidente Ferdinand Marcos Jr. a na-dismiss idi napan a bulan.
Kangrunaan a basaran ti impeachment ket iti alegasyon a biddut a pannakausar ti P612.5 million confidential funds iti OVP ken DepEd, kasta met dagiti panaglabsing iti Konstitusyon kas iti graft, panagpasuksok, ken saan a a mailawlawag a kinabaknang.
Karaman pay kadagiti reklamo ti betrayal of public trust gapu iti saan a panangbigbig iti panangimaton ti Kongreso ken dagiti mapapati a pangta iti biag da Presidente Ferdinand Marcos Jr., First Lady Liza Araneta-Marcos, ken sigud nga Speaker Martin Romualdez.
Segun kenni Luistro, mapaayan ti Bise Presidente iti gundaway a mangsungbat kadagiti akusasyon kas paset ti karbengan na iti maiparbeng a proseso.
