BR LA UNION – Kinumpirma ti Department of Foreign Affairs (DFA) a maysa a Pinoy ti natay gapu iti hypothermia wenno nakaru a kinalammin kalpasan a nag-hiking idiay Japan.
Segun iti DFA, naki-koordinaren kadagiti otoridad iti Philippine Consulate General idiay Nagoya tapno maipaayan ti tulong iti pamilya ti Pinoy a natay idi Oktubre 12.
Kabilang ti biktima iti grupo dagiti Pinoy mountaineers a nagturong idiay Mt. Oku-Hotakadak.
Innayon pay ti DFA a kadagiti innem a Filipino ket dua ti naipasidong iti medical attention kalpasan a nakapadas ti trauma.
Na-istranded dagiti hikers a pinoy iti tuktok ti bantay isunga insalbar dagiti otoridad ti Japan.
