Dead on arrival iti Bacnotan District Hospital ti maysa a Person With Dissability (PWD) kalpasan nga isuna ket nalmes iti kabaybayan ti Barangay Darigayos, Luna, La Union itay kanikadua.
Nabigbig iti pimmusay a ni Wowie Alcaria, 23 anyos, residene ti nasao met laeng a Barangay.
Maibasar iti report manipud Luna Police, kasangwan nga nalmes ti biktima ket kaduana ti pamilya Peralta iti maysa a pasken idi nagpilit daytoy nga agdigos iti baybay ngen pinawilanda isuna.
Ngem segun iti Barangay Tanod a ni Florendo Peralta nagsubli ti biktima idiay baybay kagiddan iti panagdigos daytoy agingga nagpatulongda iti Philippine Coast Guard tapno isalakan ti naud-udi ngem napaay dagitoy.
Numan naiturong ti biktima iti pagagasan ngem natayen daytoy idi a maisangpet sadiay babaen iti panangkumpirma ni Dr. Ardily Nuval.
