Dumanon ti pakabuklan a 50-hektarya a daga manipud programa ti Department of Environment and Natural Resources (DENR) ti kinayamkam ti grassfire sadiay Carasi, Ilocos Norte.
Nangigubuay daitoy ti pannakadadael ti 287-ektarya a daga pakairamanan ti 50-ektarya a paset ti National Greening Program (NGP) ti DENR.
Nangrugi ti uram iti kabantayan ti Barangay Barbaquezo ken Barangay Virbira idi Enero 30 ken nagpaot ti agingga 24 nga oras.
Kalpasan ti maysa aldaw ket naan-anay metlaeng daitoy a nasebseban agarop alas dos ti malem idi Enero 31.
Panggep kuma ti nasao nga programa ti ahensya nga i-rehabilitate dagiti nakalbo a a kabantayan ken protektaran dagiti nakapadas ti panagbuntog ti proseso ti National Greening Program gapo iti uram.
Nupay kasta, pinadayawan ti Office of Civil Defense (OCD) ti panagkaykaysa dagiti nagduduma nga ahensya tapno lapdan ti panagwaras ti apoy.
Kalpasan ti insidente, nangisayangkat ti meeting dagiti maseknan nga ahensya ti gobierno tapno pagtutungtungan dagiti addang a makaliklik ti kapada ngapasamak inton masakbayan, kas iti panagaramid kadagiti fire lines.
Agtultuloy met ti panangpaliiw dagiti forest ranger ti DENR ken pinadayawan pay ti Office of the Civil Defense dagiti kameng manipud Armed Forces of the Philippines (AFP), Philippine National Police (PNP), ken Bureau of Fire Protection (BFP) para iti kontribusyon da.
