LA UNION – Agtultuloy iti panag-monitor ti Municipal Disaster Risk Reduction and Management Office (MDRRMO)-San Juan iti kabaybayan gaputi posible nga epekto ti Bagyo Carina ken Enhanced Southwest Monsoon wenno habagat.
Iti interview ti Bombo Radyo La Union kenni MDRRMO chief Gino Mabalot, mangisay-sayangkat da ti panagronda iti igid ti baybay tapno masiguro iti kinatalged nangruna dagiti residente.
Imbaga na, nga idi pay kalman, Hulyo 22, a nangipaulog da iti maysa a resolusyon, naiturong iti 41 a barangay kapitan ti ili a San Juan , tapno pa-aktibuen dagiti local disaster committees, gaputi posible nga epekto iti nasao a weather disturbance.
Kadwa da a mangbanbantay iti kondisyon ken sitwasyon iti kabaybayan dagiti kameng ti Phil. CoastGuard a nakabase idiay Taboc, San Juan, La Union.
