BR LA UNION – Natay ti maysa a menor de edad kalpasan a nalmes idiay karayan ti Barangay Nagsabaran, San Juan, La Union idi malem ti Miyerkoles Hunyo 4, 2025.
Iti biktima a menor de edad ket agtawen ti pito, residente ti nasao a barangay.
Maibasar iti report manipud San Juan Police Station, iti biktima kadwa dagiti cacabagyanna ket napan da nagdidigos iti nasao a karayan.
Iti oras ti alas 3:30 ti malem, nadlaw ti pamilya a mapuk-pukaw iti biktima, banag a naka-alarmaan dagitoy.
Binirok ti pamilya iti nagpukaw nga ubing ket nasarakan da iti bagi na iti nauneg a parte ti karayan, agarop uppat a kadapan.
Dagus a nangipaay ti medical care ken cardio pulmonary resuscitation wenno CPR iti pamilya ti biktima babaen ti tulong dagiti nagresponde a kameng ti San Juan Municipal Disaster Risk Reduction Management Office (MDRRMO).
Naiturong iti biktima Idiay Bacnotan District Hospital, Bacnotan La Union ngem naideklara a dead on arrival babaen ti attending physician a ni Dr. Tanya Noreen Oreiro.
