LA UNION – Pinasingkedan ti Metro Manila Council iti resolusyon a mangi-deklara ti State of Calamity iti intero a Metro Manila gapu ti nalawa a panaglayos ken agtultuloy a napigsa a buyat ti tudo, gubway ti Bagyo Carina ken Habagat.
Nagtaripnong iti konseho ti nagmalem idi kalman tapno pasingkedan iti nagbalin a rekomendasyon ni Interior and Local Government Secretary Benhur Abalos.
Inaramid ni Abalos iti rekomendasyon kalpasan a naawat na iti report ti naduma-duma a mayor idiay National CapitaL Region (NCR).
Kaadwan a lugar idiay Metro Manila ket nalned ti layos partikular idiay siyudad ti Caloocan, Malabon ken Navotas.
Immunan nga imbaga ni Presidente Marcos a pabor a maipasidong iti state of calamity iti Metro Manila gapu iti nalawa a panaglayos.
Kinuna na a maib-ibusen iti reserved funds dagiti local government units, isunga kasapolan a mangala ti tulong manipud iti national government.
