BR LA UNION – Nasurok 1,100 a babbalay, pasdek negosyo, ken dadduma pay a pasdek ken imprastruktura iti nauram gaputi wildfire.
Lumawlawa iti Palisades fire agingga iti kabangibang daytoy a lugar iti Los Angeles County, ken maibilang a maysa kadagiti most destructive firestorms a timmama iti nasao a rehiyon iti pakasaritaan.
Maibasar iti report, lima a tattao ti naipadamag a natay, nasarakan dagitoy iti tallo nga istruktura idiay Altadena, a timpuaran ti maysa pay a wildfire a nabirngasan nga Eaton fire.
Iti napartak a panagwaras ti apoy ket gapwanan ti napigsa a Santa Ana winds.
Iti Palisades fire ken tallo pay nga uram – Eaton fire iti amianan ti Pasadena, Hurst fire idiay San Fernando Valley ken Sunset Fire amianan ti West Hollywood — ket nangigubway ti panag-bakwit iti 70,000 Angelenos tapno pumanaw iti babbalay da a nauram ken dandani mauram.
Dagiti nasao a lugar iti pakasarakan iti milyones a dolyar balor ti babbalay dagiti nalatak a personalities ken celebrities ngem nauram, kas iti family ken vacation home iti Malibu beachfront ni media mogul Paris Hilton; mansion ti Oscar-winner ken longtime Pacific Palisades resident a ni Anthony Hopkins, 87y/o; “Roseanne” alum John Goodman, “Schitt’s Creek” star Eugene Levy “Top Gun: Maverick” actor Miles Teller ken “House Bunny” star Anna Faris; $20.5 million Pacific Palisades home ni Ben Affleck ken iti $6.5 million Los Angeles home da Actors Adam Brody ken Leighton Meester.
