BR LA UNION – Nag-isyu ti National Bureau of Investigation (NBI) ti subpoena para iti tallo a celebrities, nga isuda Michelle Dee, Rhian Ramos ken beauty queen Samantha Panlilio.
Kinumpirma daytoy ti legal counsel ni Dee a ni Atty. Maggie Abraham-Garduque iti maysa nga statement.
Adda pakainaigan daytoy iti maipagarop a panang-kabil ken illigal a detention iti sigud a driver ni Ramos a ni alyas Totoy idi Enero 17 agingga 19, banag nga immunan a pinaglibakan dagiti tallo.
Naawat ti law office ti legal team ni Dee iti subpoena nga inyisyu ti National Bureau of Investigation idi napan a lawas agsipudta nangidatag da ti entry of appearance tapno amin a notices kenni Michelle Dee ket direkta a maipatulod iti nasao nga opisina.
Siniguro met ti abogado nga agtulnog dagiti kliyente na iti naiyisyu a subpoena tapno mangngegan ti palawagda seknan iti isyu.
Mangnamnama iti kampo ni Michelle Dee a magun-od da iti naan-anay a hustisiya.
Iti agdama, awan pay iti inruar a waragawag iti kampo da Ramos ken Panlilio kasaruno ti naiyisyu a subpoena.
