Bimmaba ti crime rate iti rehion ti MIMAROPA iti 63.64 a porsiento ti umuna a lawas ti Agosto no idilig iti isu met laeng a panawen idi napan a tawen.
Impakita ti datos manipud iti Regional Investigation and Detection Management Division ti Police Regional Office-24B nga adda 52 a naipadamag a krimen manipud iti Agosto 1 agingga iti 7, nababbaba ngem 143 bayat ti isu met laeng a semestre idi napan a tawen.
Ti Mimaropa ket buklen dagiti probinsia ti Oriental ken Occidental a Mindoro, Marinduque, Romblon ken Palawan.
Ti kampania kontra kadagiti wanted individuals ket naka-net iti 68, a pakairamanan ti 20 a most wanted persons iti regional, provincial ken municipal levels.
Natiliw pay ti 19 a drug suspects bayat a nakumpiskar ti agarup 54.62 gramo ti shabu nga aggatad iti mapattapatta a PHP371,388.
Dagiti operasion kontra iti illegal logging ket nakairekord iti dagup a 180 board feet ti nakompiskar a troso nga addaan iti napattapatta a balor a PHP9,000.
Sangapulo ket lima ti naaresto iti uppat nga operasion kontra illegal a panagsugal.
Amin a naaresto a suspek ken narekobre nga ebidensia ket naipan kadagiti police stations para iti kanayonan nga imbestigasion, dokumentasion ken umno a disposision.
