LA UNION – Maipapatungpalen iti proyekto a pannakaipasdek ti mini hydro-electric power plant idiay Barangay Mamat-ing, ili ti Naguilian, La Union.
Kinuna ni Dr. Rafael Valdez, presidente iti Naguilian Mini Hydro-electric Power Plant, ti nasao a proyekto ket naiyendorso iti Provincial Development Council.
Apaman nga addaanen ti “go signal” ket mairugin iti pannakaibangon ti planta ang mangpataud iti 8.5 Megawatt a kuryente a mabalin a mangipaay ti kanayunan a suplay para iti maikadua a distrito ti La Union.
Malaksid iti kuryente, makatulong pay ti planta para iti suplay ti danum iti Naguilian Water District.
