LA UNION – Kinumpirma iti Philippine Drug Enforcement Agency (PDEA) Regional Office-1 a karaman iti high value target (HVT) list ti naaresto a misis gapu iti maipagarup a panaglako na iti shabu idiay Purok 3, Barangay Sevilla, syudad ti San Fernando, La Union.
Kinuna ti PDEA Regional Office-1 spokesperson Bismark Bengwayan, ti suspek a ni Catherine Aballe ket agang-angkat iti shabu idiay Manila ken iturongna iti syudad ti San Fernando tapno ilako.
Maibilang nga HVT ni Aballe gapu ta saan nga agsarsardeng daytoy nga aglako ti droga.
VC – Bengwayan
Maipalagip, naaresto ti nasao a misis babaen ti naiganwat a buy-bust operation ti PDEA iti nasao a barangay kaddua ti maysa a tricycle driver.
Inaklon met ni Aballe nga agsusopda koma iti shabu no saan a simmangpet dagiti ototidad.
Na-rescue met iti PDEA dagiti lima nga ubbing nga annak ti nasao a misis ken naiturong dagitoy iti salwad ti San Fernando City Welfare and Development Office.
