LA UNION – Agtultuloy a tak-takwaten dagiti otoridad nu anya iti rason ti maysa a misis a nagpakamatay babaen ti panag-bekkel na iti uneg mismo ti balay da idiay Barangay Damortis, Rosario, La Union.
Iti biktima ket nabigbig iti nagan nga Erna Lachica, 37, residente ti nasao met laeng a lugar.
Base iti report, iti mister ti biktima a ni Jerson Lachica, 37, maysa a bus driver, iti nakadiskubre iti nagpakamatay a misis, idi makita na daytoy a nakibitin iti bobdeda ti balay da, babaen ti inusar na a nylon rope.
Inturong pay ti mister iti misis na idiay Rosario District Hospital ngem indeklara ti attending physician nga awanen ti biag daytoy.
Maipagarop nga awan met iti maibaga a rason ti mister nu apay a kinettel ti misis na iti bukod na a biag.
