Tiniliw dagiti otoridad iti maysa a drug personality iti naisayangkat nga buy bust operation idiay Barangay Poblacion Sur, Bauang, La Union.
Iti suspek ket 43 anyos a misis nga residente ti Barangay Central West.
Immuna iti daytoy, nagakagatang dagiti operatiba manipud iti suspek ti 2 sachet iti maatap a shabu nga agbalor iti P6,800 pesos.
Karaman dagiti nakumpiskar kenkuana ti 3 sachet iti maatap a shabu, (1) P1000 peso bill nga naaramat a buy bust money ken (1) cellphone.
Nakabalod itan ti suspek ken maur-uray iti pannakaidatag kenkuana ti kaso a panaglabsing iti RA 9165 wenno Comprehensive Dangerous Drugs Act of 2002.
