LA UNION – Natiliw ti maysa a misis kalpasan iti inaramid na a panagtakaw kadagiti lupot iti maysa a puwesto ti wagwagan idiay Barangay 3, San Fernando City, La Union.
Nabigbig daytoy a ni Hanna Maayo alyas Ronalyn De Guzman, 25, addaan ti asawa, residente ti Barangay Cupang, iti ili a Sto. Tomas.
Pakaibilangan kadagiti tinakaw na ket ti (7) ladies apparel (P1,200), (3) lady short pants (P300), ken (2) pay a short pants nga agbalor ti P100.00
Maibasar iti nakalap a report manipud iti San Fernando City Police Office, maipagarop a nagisupot kadagiti wagawag ti suspek no sadino nakita met daytoy dagiti makinkukua nga isuda Alexi Lacheco ken Rey Pimentel.
Inkalintegan da Lacheco ken Pimentel a no saan nga marisot ti reklamoda kenni Maayo ket idataganda daytoy ti kaso.
