LA UNION – Nasarakanen ngem maysan a bangkay ti 16-anyos a barito nga immunan a naipadamag a mapukpukaw kalpasan a nalmes iti kabaybayan a sakop ti Barangay Taberna, Bauang, La Union idi agsapat kalman.
Maibasar iti nakalap nga impormasyon ti Bombo Radyo La Union, agarop alas 11:00 idi rabii a nakita dagiti otoridad ni Vicente Kulas ti Barangay Baculungan Sur idiay ili ti Bugias, Benguet. iti insayangkat dagitoy a search and retrieval operations idiay Barangay Pugo, Bauang, La Union.
Maipalagip a ti biktima kadwa na iti sumagmamano a cacabagyan daytoy ket napan nagpi-picnic iti kabaybayan iti nasao nga ili.
Ngem idi mapan agdigos iti baybay ti biktima kadwa na iti dua a cabagyan na ket kellaat a ginuyod dagitoy iti napigsa a dalluyon.
Dagus a na-rescue dagiti dua babaen kadagiti residente ngem napaay da a maisalbar ni Kulas.
Iti agdama, naiyawiden iti bangkay ti biktima iti lugar da idiay probinsiya ti Benguet.
