LA UNION – Nakabaluden ti maysa a mister kalpasan a nakompiskaran daytoy iti droga manipud ti uneg iti balayna idiay Barangay Ili Sur, ili ti San Juan, La Union.
Nabigbig ti suspek a ni Ronald Boado, 43, residente ti nasao a lugar.
Naammuan ti Bombo Radyo manipud iti San Juan Police Station, babaen ti implementasyon ti search warrant ket inalikad dagiti otoridad iti balay ti suspek kasaruno iti pannakadiskobre kadagiti uppat a sachet a naglaon iti maatap a shabu.
Kabayatanna, pinaglibakan met ti mister a kukuana dagiti nasao a droga.
Sakbay ti search operation, immunan nga insuko ti suspek ti iduldulinna a rifle ken bala kadagiti pulis.
