LA UNION – Dead on the spot ti maysa a mister kalpasan a paltugan daytoy iti riding in tandem suspects idiay Barangay San Jose, ili ti Rosario, La Union itattay bigat.
Nabigbig ti biktima a ni Benjamin Bangalit, 53.
Naammuan ti Bombo Radyo manipud iti asawa ti biktima a ni Lourdes, intulod ti misterna dagiti dua nga annakda idiay eskwelaan babaen ti panaglugan dagitoy ti motorsiklo.
Ngem idi nga agawiden idiay balayda ti biktima ket maipagarup a dinaanan daytoy dagiti suspek a nakalugan ti sabali pay a motorsiklo.
Maipagarup nga adu dagiti ubbing a nagtataray a nagturong idiay eskwelaan idi a makimatanganda ti pammaltog iti biktima.
Agtultuloy ti imbestigasyon ti pulisya tapno maammuan iti motibo ti pammaltog ken ti pakabigbigan iti suspek. (Absalom Flores)
