LA UNION – Nasugatan met iti ima ti maysa a 49-anyos a mister kalapsan a sinindiyanna ti iggemna a palibang idiay Barangay Panicsican, ili ti San Juan, La Union.
Nabigbig ti biktima a ni Rizaldy Catbagan, residente ti nasao a lugar.
Naammuan ti Bombo Radyo manipud iti San Juan Police Station, maipagarup nga ay-ayamen ti biktima dagiti paputok idiay ruar ti balayda.
Maysa a papurtok ti sinindiyanna ket killaat a naglibang daytoy.
Dagus a naiturong iti Bacnotan District Hospital ti mister ngem pinaawid met laeng daytoy ti doktor kalpasan a mataming ti nilak-amna a sugat.
