LA UNION – Bangkayen idi masarakan itay bigat ti maysa a mister kalpasan a nalmes iti karayan idiay Barangay Baraoas Sur, Naguilian, La Union.
Nabigbig ti pimmusay a ni Rolly Abenoja, 43-anyos, residente iti nasao a lugar.
Maibasar iti nakalap nga impormasion ti Bombo Radyo manipud iti Naguilian Police Station, naamuan a naudi a nakita ni Abenoja iti lugarda pasado alas-3:00 idi malem-kalman.
Nupay kasta, naklaat laengen dagiti kabagianna ken karruba kalpasan a nasarakan a tumtumpaw ti bagina iti karayan.
Dagus daytoy a naiturong iti Naguilian District Hospital ngem naideklara a dead on arrival.
