LA UNION – Isagsaganan ti pulisya ken ti agrekreklamo a 47-anyos a misis ti kaso kontra iti nanglipot nga asawa daytoy idiay ili ti Sariaya, probinsya ti Quezon.
Base iti report ti Sariaya Police Station, saan a naanusan ti misis iti inaramid a panangpanaw kadakuada nga agiina ti 48-anyos a padre de pamilya ken simmurot daytoy iti kulasisina.
Idi Septembre 2017 pay a maipagarup a pinanawan ti mister ti pamilya daytoy ken saanen a mangmangted iti sustento para ti anak ken asawana.
Maipagarup a makapaspasar iti emotional abused ti misis gapu kadagiti nagugubsang a sarita nga iyebkas ti asawana.
Kasong a panaglabsing iti Anti-Violence Against Women And Their Children wenno Republic Act 9262 ti reklamo a maidatdatag kontra iti nasao a mister.
