LA UNION – Maipat-patungpal idiay ili ti Bangar, La Union iti maysa a Memorandum of Understanding (MOA) iti baetan ti pulisiya, barangay officials, ken store owners iti nasao nga ili tapno limitaran iti panglakwan ti arak.
Iti interview ti Bombo Radyo La Union kenni Chief/Inspector Rogelio Miedes, agdama a hepe ti Bangar Police Station, kinuna na nga agtalek a makatulong ti nasao a MOA tapno makissayan dagiti primary crimes a gapwanan ti nalabes a panaginom ti arak.
Base kunana iti datus idi napan a tawen, kaadwan kadagiti napasamak a krimen, kas iti aksidente ti behikulo ken riribok kadagiti uneg ti barangay, ket adda pakainaigan na iti panagkonsumo ti arak.
Gaputi dayta, nangaramid ti addang dagiti otoridad nga idaulwan ni Miedes tapno ma-regulate iti panaglakwan ti arak iti amin a pagtagilakwan iti nasao nga ili, nga agpatingga laeng iti oras ti alas 9:00 ti rabii a mabalin nga agilako iti makabartek nga inumen.
